सार्वजनिक सुनुवाई सहितको एकिकृत घुम्ति सेवा संचालन सम्पन्‍न (अपिहिमाल गाउँपालिका, खण्डेश्वरी)

2076-01-19

सार्वजनिक सुनुवाई सहितको एकिकृत घुम्ति सेवा शिविर सम्पन्न

जिल्ला प्रशासन कार्यालयको आयोजना एवं अपिहिमाल गाउँपालिकाको सहयोगमा अपिहिमाल गाँउपालिका वडा नं. ४ खण्डेश्वरीमा मिति २०७६।१।१५ देखि ऐ. १७ गतेसम्म सार्वजनिक सुनुवाई सहितको एकिकृत घुम्ति शिविर संचालन गरियो । प्र.जि.अ. श्री शंकर बहादुर विष्‍टको अध्यक्षता एवं मा.जि. न्यां. गिरीराज गौतम ज्युको प्रमुख आथित्यमा १५ गते शुभारम्भ गरिएको घुम्ति शिविर कै अवसरमा सार्वजनिक सेवा प्रवाह सम्बन्धी सार्वजनिक सुनुवाई समेत सम्पन्न भयो । करिब ४/५ सय जनाको उपस्थिति रहेको उक्त कार्यक्रममा गाउँपालिकाको पुन: संरचना हुँदा भौगोलिक रुपमा ३ नं. वडा ठूलो बनाईएकोले सेवा लिन कठिन भएको । ५ र ६ नं. वडा का वासिन्दाले समेत पालिका सदरमुकामबाट एकै दिनमा सेवा लिन कठिनाई रहेको विचार व्यक्त गरे । शिक्षा, स्वास्थ्य, सडक र संचार जस्ता कुरामा सबै सरकारहरुले ध्यान दिनु पर्ने भनाई राखे । साथै संघीय सरकारबाट दुर्गम ठाउँमा जनताको घरदैलोमा सेवा दिएकोमा खुशी व्यक्त गरे ।

शिविरबाट निम्न संख्यामा पालिका वासिन्दाहरुले सेवा प्राप्त गरे ।

क्र.सं.	सेवाको किसिम	सेवा प्राप्‍त गर्नेको संख्या		जम्मा	सेवा दिने निकाय
क्र.सं.	सेवाको किसिम	महिला	पुरुष	जम्मा	सेवा दिने निकाय
१	वंशजको आधारमा नागरिकता प्रतिलिपि नागरिकता	११४ ६८	११३ ४३	२२७ १११	जिल्ला प्रशासन कार्यालय
२	स्वास्थ्य सेवा	४४६	११२	५५८	सारथी अस्पताल, प्रा.लि. स्वास्थ्य चौकी, खण्डेश्वरी
३	आयुर्वेदिक सेवा	२६५	१६१	४२६	जिल्ला आयुर्वेदिक औषधालय
४	कृषि सेवा (तरकारी वीउ विजन वितरण)	१००	३२०	४२०	कृषि शाखा
५	पशु स्वास्थ्य सेवा	-	-	२८६	भेटनरी अस्पताल तथा पशु सेवा विज्ञ केन्द्र
६	फोटो सहितको मतदाता नामावली दर्ता	१०९	११३	२२२	जिल्ला निर्वाचन कार्यालय
७	यार्शा गुम्बा संकलन प्रवेश अनुमति पत्र	३	३	६	अपि नाम्पा संरक्षण क्षेत्र कार्यालय
८	घरेलु तथा लघु उद्यम सेवा
	उद्योग दर्ता			४३
	वाणिज्य फर्म दर्ता			९
	वाणिज्य फर्म नविकरण			८
	कारोबार थप			१
	प्रतिलिपि			१
	पूँजी वृद्धि			१
	कूल राजश्व असूली	१,१६,७००।
	सार्वजनिक सुनुवाई कार्यक्रम उपस्थित संख्या	अनुमानित ४/५ सय