नेपाल-भारत संयुक्त सीमा समन्वय समिति बैठक सम्पन्न
नेपाल-भारत संयुक्त सीमा समन्वय समिति बैठक सम्पन्न
भारतको उत्तराखण्ड राज्य अन्तरगत पिथौरागढको जिलाधिकारी कार्यालयको आयोजनामा भारतमा हुन गैरहेको लोक सभा सामान्वय निर्वाचन २०१९ समेतलाई दृष्टिगत गरि यही मिति २०७५।१२।१७ (तदनुसार ३१ मार्च २०१९) का दिन जिलाधिकारीको कार्यालय पिथौरागढको समाकक्षमा नेपाल-भारत सीमा समन्वय समितिको बैठक सम्पन्न भयो । उक्त बैठकमा भारतीय समकक्षीका तर्फबाट पिथौरागढका जिलाधिकारी डा. विजय कुमार जोगदण्डेले नेतृत्व गर्नु भएको थियो भने दार्चुलाका तर्फबाट प्रमुख जिल्ला अधिकारी श्री शंकर बहादुर बिष्टले नेतृत्व गर्नु भएको थियो । नेपाली प्रतिनिधि मण्डलमा जिल्ला स्थित सुरक्षा निकायका प्रमुख एवं अन्य सरोकारवाला निकायका प्रमुखहरुको समेत उपस्थिति रहेको थियो।
बैठकमा खास गरी सीमा अपराध नियन्त्रण, वाँगाबगर/खोतिला पहिरो नियन्त्रण/व्यवस्थापन, महाकाली नदीमा बन्ने मोटरपुल/झोलुङ्गे पुल, सीमा क्षेत्रमा गरिने निर्माण कार्यमा आपसी समन्वय, सीमा क्षेत्रमा सहज आवागमन लगायतका भारतीय पेन्सनरहरुले भोग्नु परेको समस्या लगायतका विषयमा छलफल भई लोक सभा सामान्य निर्वाचन सफलतापूर्वक सम्पन्न गर्न नेपालका तर्फबाट सहयोग पुरयाईने र अन्य विषयबस्तुका सम्बन्धमा दुवै पक्षका तर्फबाट आपसी सहयोग र समन्वय स्थापित गरी सीमा स्तरका स्थानीय समस्यालाई हल गरिने सहमति व्यक्त गरियो ।